इन्डियन प्रिमियर लिग आईपीएल क्रिकेटय् चेन्नई  सुपर किङ्सं कोलकाता नाइट राइडर्सयात ४९ रनं बूकुगु दु। कोलकाताया घरेलु मैदान इडन गार्डेनय् जूगु कासाय् चेन्नई न शानदार ब्याटिङ यागु खः।

चेन्नई न बिःगु २ सय ३६ रनया लक्ष्य कोलकातां निर्धारित २० ओभरय् ८ विकेटय् १ सय ८६ रन जक दयकेफुगु खः। कोलकाताया लागि जसन रोय व रिंकु सिंहपिन्स अर्धशतकीय पारी म्हितूगु खः। जसन रोयं ६१ रन, रिंकु सिंहं ५३ रन, कप्तान नितिश राणां २७ व भेन्कटेस ऐरं २० रन दयकूगु खः।

चेन्नईया लागि तुसार देशपाण्डे व महेश थिक्सनां निगु निगु विकेट व आकाश सिंह, मोइन अलि, रविन्द्र जडेजा व मथिशा पथिरानापिन्स छगु छगु विकेट काःगु खः।

टस बूया न्हापां ब्याटिङ याःगु चेन्नई न निर्धारित २० ओभरय् ४ विकेटय् २ सय ३५ रन दयकूगु खः। चेन्नईया लागि अजिन्क्या रहाणे, डेभोन कन्वे व शिवम् दुवेपिन्स अर्धशतकीय पारी म्हितूगु खः। अजिन्क्या रहाणे न ७१ रन, कन्वें ५६ व शिवम् दुवे न ५० रन दयकूगु खः। अथेहे, ऋतुराज गायकवाडं ३५ व रविन्द्र जडेजां १८ रन दयकूगु खः।

कोलकाताया लागि कुलवन्त खेजरोलियां निगु विकेट, वरुण चक्रवर्ती व सुयश शर्मापिन्स छगु छगु विकेट काःगु खः।

Categorized in कासा