बारा क्षेत्र नम्बर २ या प्रतिनिधि सभा उपनिर्वाचनय् जनता समाजवादी पार्टी (जसपा) अध्यक्ष उपेन्द्र यादव विजयी जूगु दु।

न्यागु दलीय गठबन्धनया मंकाः उम्मेदवार यादव ५ हजार ८१ मत अन्तरं विजयी जूगु खः। यादवं २८ हजार ४१५ मत हया विजयी जुगुलि वयकःया निकटतम प्रतिस्पर्धी जनमत पाटीया शिवचन्द्र प्रसाद कुशवाहा २३ हजार ३३४ मत हःगु खः।

अथेहे नेकपा एमालेया उम्मेदवार पुरुषोत्तम पौडेल १० हजार २१६ मत, रास्वपाया उम्मेदवार रमेश खरेलं २ हजार ८२९ व आमजनता पार्टीया उम्मेदवार अरुण ज्ञवालीं २ हजार ७३८ मत हःगु दु धका निर्वाचन अधिकृतया कार्यालयं धाःगु दु।

Categorized in राष्ट्रिय