ईन्डियन प्रिमियर लिग (आईपीएल) क्रिकेटय् साविक विजेता गुजरात टाईटन्सं मुम्बई इन्डियन्सयात ५५ रनं बूकुगु दु।

वंगु चान्ह्यः अहमदावादय् गुजरातं बिःगु २ सय ८ रनया लक्ष्य मुम्बई न निर्धारित २० ओभरय् ९ विकेट गुमे याना १ सय ५२ रन जक दयकूगु खः। मुम्बईया निहाल वाधिरां दकलय् अप्पो ४० रन, क्यामरुन ग्रीनं ३३ रन व सुर्यकुमार यादवं २३ रन दयकूगु खः। गुजरातया नूर अहमदं स्वंगू, मोहित शर्मा व राशिद खानपिन्स निगु निगु विकेट काःगु खः। कप्तान हार्दिक पान्ड्यां छगु विकेट काःगु खः।

टस बूया न्हापां ब्याटिङ याःगु गुजरातं निर्धारित २० ओभरय् खुगु विकेटय् २ सय ७ रन दयकूगु खः । गुजरातया शुभमन गिलं दकलय् अप्पो ५६ रन, डेबिड मिलर ४६ रन व मनोहरं ४२ रन दयकूगु खः। मुम्बईया पियुष चावलां निगु विकेट, जेसन बेहरनडोर्फ, राईली मेरिडेथ, अर्जुन तेन्दुल्कर व कुमार कार्तिक्ये न छगु छगु विकेट काःगु खः।

Categorized in कासा