राष्ट्रिय आविष्कार केन्द्रया संस्थापक महावीर पुनं माइतीघर मण्डलाय् धर्ना सुरु याःगु दु। सरकारं खोज अनुसन्धान व आविष्कारय् ध्यान मतगु धासे थौं आन्दोलन कथं शुक्रबाः धर्ना सुरु याःगु दु।

महावीरनाप  धर्नाय् च्वनाच्वपिन्स ‘स्टार्टअप उद्यमीहरुलाई प्रोत्साहन गर’, ‘अनुसन्धान, नवप्रवर्तन र आविष्कार जगतमा युवा सहभागिता’ लगायतया नारा च्वयन प्लेकार्ड ज्वनातःगु खः।

धर्ना सुरु याये न्ह्यः पत्रकारपि नाप खँ ल्हायेगु झ्वलय् पुनं संघ, प्रदेश व स्थानीय सरकारं विकास बजेटय् छगु प्रतिशत बजेट छुटेयाना अनुसन्धान आविष्कारया लागि कोष दयका जम्मा यायेमाःगु माग प्रमुख मागयासे धका धयादीगु दु। उगु कोषं सञ्चालन यायेत अनुसन्धान याइपिन्त याउक ऐन कानुन दयकेमाःगु माग याःगु दु।

Categorized in राष्ट्रिय