इन्डियन प्रिमियर लिग (आईपीएल) क्रिकेट अन्तर्गत वंगु चान्ह्यः जूगु कासाय् राजस्थान रोयल्सं चेन्नाई सुपर किंग्सयात ३२ रनं बूकुगु दु।

न्हापा ब्याटिङ याःगु राजस्थानं निर्धारित २० ओभरय् न्यागु विकेट गुमेयाना २०२ रन दयकूगु खः ।

२०३ रनया लक्ष्य चेन्नाई न खुगु विकेटय् १७० रन जक दयकूगु खः। थुगु कासा लिपा राजस्थान अंक तालिकाय् न्हापागु थासय् थ्यःगु दु सा चेन्नाई न्हापागु थासं कुहावया स्वंगु थासय् थ्यःगु दु। राजस्थानया लागि यशस्वी जयसवालं ७७ रन, ध्रुव जुरेलं ३४, जस बटलर व देवदूत पाडिक्कल २७ रन व सन्जु सामसनं १७ रन दयकूगु खः। चेन्नाईया लागि तुशार देशपाण्डे न निगु विकेट काःगु खः।

अथेहे लिपा ब्याटिङ याःगु चेन्नाई नं शिवम दुवें ५२ रन, ऋतुराज गायकवाडं ४७ रन, मोइन अली व रविन्द्र जडेजापिन्स २३ रन, व अजिंक्या रहाने १५ रन दयका आउट जूगु खः। बलिङय् राजस्थानया आदम जाम्पां स्वंगु, रविचन्द्र आश्विनं निगु व कुलदीप यादवं छगू विकेट काःगु दु।

Categorized in कासा