२०८० फाल्गुण १२, शनिबार

दिल्लीं गुजरातयात ५ रनं त्याकल

लहनान्युज | बछलाथ्व त्रयोदशी ११४३, बैसाख २० बुधवाः

इन्डियन प्रिमियर लिग (आईपीएल)य् दिल्ली क्यापिटल्सं शीर्ष स्थानय् च्वंगु गुजरात टाइटन्सयात ५ रनं रोमाञ्चक कथं त्याकूगु दु।

गुजरातया घरेलु मैदान नरेन्द्र मोदी स्टेडियमय् जूगु लो स्कोरिङ थ्रीलर कासाय् दिल्लीं १३० रनया लक्ष्य डिफेण्डयासे त्याकूगु खः।

दिल्लीं बिःगु १३१ रनया लक्ष्य गुजरातया कप्तान हार्किद पाण्ड्याया अर्धशतक न लक्ष्य पूरा याये मफुत। गुजरातं निर्धारित २० ओभरय् ६ विकेटय् १२५ रन जक दयकूगु खः। कप्तान हार्किद पाण्ड्यां ५३ बलय् अविजित ५९ रन दयकूलि अभिनव मनोहरं ३३ बलय् २६ रन व राहुल तेवाटियां ७ बलय् ३ छक्का नाप २० रन दयकूगु खः। दिल्लीया खलिल अहमद व इशान्त शर्मापिन्स निगु निगु व एनरिक नोर्किअ व कुलदिप यादवं छगु छगु विकेट काःगु खः।

गुजरातया घरेलु मैदानय् टस त्याका न्हापा ब्याटिङ याःगु दिल्लीं निर्धारित २० ओभरय् ८ विकेटय् १३० रन दयकूगु खः।

Categorized in कासा