२०८० आश्विन ९, मंगलबार

लियोनल मेसीयात क्लवं निलम्बन

राम डंगोल | तछलाथ्व त्रयोदशी ११४३, बैसाख २० बुधवाः

अर्जेन्टिनाया कप्तान लियोनल मेसीं क्लबया अनुमति विना साउदी अरबया भ्रमण याःगु धासे पेरिस सेन्ट जर्मेन (पीएसजी) न निगु वाः तक निलम्बन याःगु दु।

वंगु आइतबाः लिगय् लोरियन्टनाप घरेलु मैदानय् पराजित जुइवं मेसी साउदी अरबया भ्रमणय् वंगु खः। उगु कासाय् मेसीं ९० मिनेट मैदानय् म्हितूगु खः।

मेसीं व्यवसायिक प्रयोजनया लागि साउदी भ्रमणया लागि अनुमति फ्वंगु खः। तर, क्लबं अनुमति बिइत अस्विकार याःगु खः। साउदी अरबया पर्यटन दूत जुगु धासे क्लबं थ्व स्वया न्ह्यः न मेसीयात जरिबाना याःगु खः।

मेसीनाप पीएसजीइ निदँया लागि जुगु सम्झैता थुगु सिजनय् क्वचाइगु जुगु दु।

Categorized in कासा