इन्डियन प्रिमियर लिग क्रिकेट आईपीएलय् सनराइजर्स हैदराबाद विजयी जूगु दु। वंगु चान्ह्यः जुगु कासाय् सनराइजर्स हैदराबादं राजस्थान रोयल्सयात प्यंगु विकेटं पराजित याःगु खः।

राजस्थानं बिःगु २ सय १५ रनया लक्ष्य हैदराबादं निर्धारित २० ओभरय् खुगु विकेटय् पूरा याःगु खः। हैदराबादया लागि अभिषेक शर्मा न अर्धशतकीय पारी म्हितूगु खः। शर्मां ५५ रन दयकूगु खःसा राहुल त्रिपाठीं ४७ रन दयकूगु खः। अथेहे, अनमोलप्रित सिंहं ३३, हेनरिक केल्सनं २६, ग्लेन फिलिप्सं २५, अब्दुल सामदं १७ रन दयकूगु खः।

राजस्थानया लागि युजभेन्द्र चहलं प्यंगु विकेट, कुलदीप यादव व रविचन्द्रन आश्विनपिन्स छगु छगु विकेट काःगु खः ।

टस त्याका न्हापां ब्याटिङ याःगु राजस्थानं निर्धारित २० ओभरय् निगु विकेटय् २ सय १४ रन दयकूगु खः। राजस्थानया लागि जस बटलरं ९५ रनया अर्धशतकीय पारी म्हितूगु खः। अथेहे, सन्जु सामसनं ६६ रन, यशभी जैसवालं ३५ रन दयकूगु खः।

हैदराबादया लागि भुवनेश्वर कुमार व मार्को यानसनपिन्स छगु छगु विकेट काःगु खः।

Categorized in कासा