नेकपा एमाले केन्द्रीय कमिटीया बैठक थौंनिसे यलय् न्ह्याइगु जुगु दु। यलया च्यासलया पार्टी केन्द्रीय कार्यालयय् थौं सुथय् १० बजेनिसे बैठक न्ह्याइगु जुगु दु।

स्वन्हु तक न्ह्याइगु उगु बैठकय् झीगु कार्यसूचीइ छलफल यायेगु निर्णय याःगु ददु धका नेकपा एमालेया केन्द्रीय सदस्य नाप केन्द्रीय प्रचार विभाग उपप्रमुख विष्णु रिजालं जानकारी बिःगु दु।

बैठकय् अध्यक्ष केपी शर्मा ओलीं राजनीतिक प्रतिवेदन, केन्द्रीय निकायपिनिगु प्रतिवेदन, मिसन ग्रासरुट अभियानया प्रतिवेदन, प्रदेशया कार्ययोजना, केन्द्रीय सदस्यपिनिगु कार्यविभाजन, पार्टी प्रवेशीपिनिगु व्यवस्थापन लगायतया झीगु कार्यसूची दु धका नेता रिजालं जानकारी बिगु दु।

एमाले केन्द्रीय कमिटीइ ३३५ (निम्ह निलम्बित) सदस्य, प्यम्ह केन्द्रीय निकायया अध्यक्ष व गुम्ह प्रदेश कमिटी अध्यक्ष (निम्ह गैरभौगोलिक) पिनिगु सहभागी दइ।

थ्व स्वया न्ह्यः एमालेया केन्द्रीय कमिटी बैठक झापाय् च्वनिइगु धका धाःगु खः।

Categorized in राष्ट्रिय