२०८० फाल्गुण १२, शनिबार

आईपीएल क्रिकेटय् चेन्नई न दिल्लीयात २७ रनं बूकल

राम डंगोल | बछलागा षष्ठी ११४३, बैसाख २८ बिहीवाः

इन्डियन प्रिमियर लिग (आईपीएल) क्रिकेटय् चेन्नई सुपर किंग्सं दिल्ली क्यापिटल्सयात २७ रनं बूकुगु दु।

चेन्नई न बिःगु १ सय ६८ रनया लक्ष्य दिल्लीं निर्धारित २० ओभरय् च्याःगु विकेटय् १ सय ४० रन जक दयकूगु खः। रिली रोसों दकलय् अप्पो ३५ रन, मनिष पान्डे २७ व अक्षर पटेलं २१ रन दयकूगु खः। दिल्लीया मेपि कासामिपिन्स बालाक्क म्हित्यमफुगु खः। चेन्नईया मथिशा पथिरानां स्वंगु व दीपक चहरं निगु विकेट काःगु खः।

टस त्याका न्हापां ब्याटिङ याःगु चेन्नई न निर्धारित २० ओभरय् च्यागु विकेटय् १ सय ६७ रन दयकूगु खः । चेन्नईया शिवम दुवे न २५, रितुराज गायक्वाडं २४, अम्बाती राइडुं २३, अजिङ्क्या रहाणे व रविन्द्र जडेजापिन्स २१ नाप कप्तान महेन्द्र सिंह धोनीं २० रन दयकूगु खः । दिल्लीया मिचेल मार्सं स्वगु व अक्षर पटेलं निगु विकेट काःगु खः।

Categorized in कासा