नेकपा एमाले न लडाकु शिविर घोटाला काण्डया छानबिन यायेत सरकारनाप माग याःगु दु।

वंगु बैसाख २८ गते सुरु जूगु थौं शनिवाः समापन जूगु केन्द्रीय कमिटी बैठकं १६ बुँदे समसामयिक प्रस्ताव पारित याःगु दु। उकिइ न्यागु बुँदाय् लडाकु शिविर घोटाला लगायत चर्चाय् दुगु दक्को काण्डया निष्पक्ष छानबिन न्ह्यने यकेत माग याःगु दु।

एमाले न नक्कली भुटानी शरणार्थी प्रकरणय् राजनीतिक पूर्वाग्रह व दबावविना निष्पक्ष रुपं छानबिन याना दोषीयात हदैतक सजायया माग याःगु दु। एमालें सुरुनिसे दोषी सू न छुटे मजुइमा व निर्दोष सून फसेमजुइमा धका धासे राज्यया वैधानिक निकायपाखे याइगु अनुसन्धानय् पूर्ण ग्वाहालि याये धका धाःगु दु।

‘‘थुगु बैठकं उगु प्रकरणय् छु न राजनीतिक पूर्वाग्रह व दवावबिना निष्पक्ष रुपं छानबिन याना दोषीयात हदैतक सजाय जुइमाः धका माग याये’ एमालेया प्रस्तावय् धाःगु दु।

Categorized in राष्ट्रिय