२०८० फाल्गुण १२, शनिबार

आईपीएल क्रिकेटय् पञ्जाबंं दिल्लीयात ३१ रनं बूकल

राम डंगोल | बछलागा नवमी ११४३, बैसाख ३१ आईतवाः

इन्डियन प्रिमियर लिग (आईपीएल) क्रिकेटय् पञ्जाब किङ्ग्सं दिल्ली क्यापिटल्सयात ३१ रनं बूकुगु दु।

थुगु कासालिपा पञ्जाबं प्लेअफया सम्भावना कायमै जुगु दु। पञ्जाबं बिःगु १ सय ६८ रनया लक्ष्य दिल्लीं निर्धारित २० ओभरय् ८ विकेटय् १ सय ३६ रन जक दयकेत ताःलागु खः।

दिल्लीया डेबिड वार्नरं ५४ रन, फिलिप साल्टं २१ रन दयकूगु खः। पञ्जाबया लागि हरप्रित ब्रारं प्यंगु विकेट, राहुल चाहर व नाथन एलिसं निगु निगु विकेट काःगु खः। दिल्लीं टस त्याका न्हापा ब्याटिङ याःगु पञ्जाबं निर्धारित २० ओभरय् न्ह्यगू विकेटय् १ सय ६७ रन दयकूगु खः।

पञ्जाबया प्रभसिमरन सिंहं १ सय ३ रनया शतकीय म्हितूगु खः। आईपीएल क्रिकेटय् सिंहया थ्व न्हापागु शतक खः। साम करनं २० रन दयकूगु खः।

दिल्लीया इशान्त शर्मां निगु विकेट, प्रविन दुवे, अक्षर पटेल, कुलदीप यादव व मुकेश कुमारपिन्स छगू छगू विकेट काःगु खः। थुगु कासालिपा १२ अंकय् पञ्जाब लिग खुगु थासय् दु सा १२ कासाय् ८ अङ्कय् दकलय् लिपागु थासय् दु।

 

Categorized in कासा