शेयर बजाः च्याला लिपा दकलय् अप्पो कुहावःगु दु। वंगु असोज ९ गते शेयर बजाः परिसूचक नेप्से १ हजार ८ सय १५ विन्दुइ कुहावःगु दु।

वयालिपा नेप्से १ हजार ८ सय ३० विन्दइ कुहावःगु खः। तर थौं आइतवाः नेप्से १६ दशमलव ९५ अङ्कय् कुहावया १ हजार ८ सय २१ दशमलव ६५ विन्दुइ थ्यःगु खः।

थौं लगानीबाहेक दक्को समूहया शेयर थहावःगु खः। २६३ गु कम्पनीया २७ लाख ८८ हजार कित्ता शेयर ९० करोड रुपैयाँ न कारोबार जुगु खः । दकलय् अप्पो नागरिक लगानी कोषय् ५ करोड ३५ लाख रुपैयाँया शेयर किनबेच जुगु दु।

दकलय् अप्पो राष्ट्र उत्थान लघुवित्तया शेयर ६ प्रतिशत स्वया अप्पो दोर्दी हाइड्रो व हिमालयन ऊर्जा विकास कम्पनीया शेयर साढे ५ प्रतिशत स्वया अप्पो कुहावःगु दु ।

समग्र बजाः कुहावसा थौं दकलय् अप्पो आत्मनिर्भर लघुवित्तया शेयर १० प्रतिशतं थहावःगु दु।

Categorized in राष्ट्रिय