२०८१ आषाढ ३१, सोमबार

कोलकातां चेन्नईयात खुगु विकेटं बूकल

राम डंगोल | बछलागा एकादशी ११४३, जेष्ठ १ सोमवाः

इन्डियन प्रिमियर लिग (आईपीएल) क्रिकेटय् कोलकाता नाइट राइडर्स विजयी जूगु दु।

वंगु चान्ह्यः जूगु कासाय् कोलकातां चेन्नई सुपर किङ्सयात खुगु विकेटं बूकुगु खः । चेन्नई न बिगु १४५ रनया लक्ष्य कोलकातां ९ बल ल्यः दुगु इलय् पूरा याःगु खः।

कोलकाताया लागि नितिश राना व रिंकु सिंहं अर्धशतकीय पारी म्हितूगु खः। रानां ५७ व सिंहं ५४ रनया योगदान बिःगु खः। चेन्नईया दीपक चहरं स्वंगू विकेट काःगु खः।

न्हापां ब्याटिग याःगु चेन्नई न खुगु विकेटय् १४४ रन दयकूगु खः। चेन्नईया शिवम् दुबे न दकलय् अप्पो ४८ रन दयकूगु खः। अथेहे, देवन कन्वें ३०, रविन्द्र जडेजां २० व ऋतुराज गायकवाडं १७ व अजिन्का रहाने न १६ रन दयकूगु खः ।

कोलकाताया लागि वरुण चक्रवर्ती व सुनिल नरैनें निगु निगु व वैभव अरोरा, शार्दुल ठाकुरपिन्स छगु छगु विकेट काःगु खः। थुगु कासालिपा कोलकोता १३ गु कासाय् १२ अङ्क नाप न्ह्यगू थासय् दु सा १३ गु कासा लिपा १५ अङ्क नाप चेन्नई निगुगु थासय् दु।

Categorized in कासा