टर्कीइ म्हिगः आइतवाः जुगु राष्ट्रपति चुनावय् सू ना नं ५० प्रतिशत स्वया अप्पो मत महगुलि हाकन चुनाव जुइगु दु।

समाचार संस्था रोयटर्सया कथं दकलय् अप्पो मतहःपि निम्ह उम्मेदवार दथुइ मे २८ य् हाकन चुनाव जुइ त्यःगु खः।

आइतवाः जुगु चुनाव बहालवाला राष्ट्रपति रेसेप तय्यिप एर्दोगानं दकलय् अप्पो मत काःगु खः।

एर्दोगानं ४९.३९ प्रतिशत मत हःगु खःसा वयकःया निकटतम् प्रतिस्पर्धी विपक्षी गठबन्धनका केमाल किलिक्डारोग्लुले ४४.९२ प्रतिशत मत ल्याए। मेम्ह उम्मेदवार सिनान ओगानं ५.३ प्रतिशत मत हःगु खः।

Categorized in अन्तर्राष्ट्रिय