शुभमन गिलया न्हापागु शतकं इन्डियन प्रिमियर लिग (आईपीएल) या साविक विजेता गुजरात टाइटन्सं सनराइजर्स हैदरावादयात ३४ रनं पराजित याःगु खः।

वंगु चान्ह्यः जुगु कासाय् गुजरातं छगु कासा ल्यःदनिइगु इलय् प्लेअफय् थःगु थाय् पक्का याःगु दु। १३ गु कासाय् १८ अंकय् गुजरात दकलय् न्हापागु थासय् दु।

च्यागु कासा बुगु हैदरावाद धाःसा लिग चरणं पिहावःगु दु। थ्व स्वया न्ह्यः हे दिल्ली क्यापिटल्स लिगं पिहावने धुकुगु दु।

घरेलु मैदान नरेन्द्र मोदी स्टेडियमय् टस बुया न्हापां ब्याटिङ याःगु गुजरातं गिलया सानदार शतकं ९ विकेटय् १८८ रन दयकूगु खः गिले साई सुदर्शननाप मिले जुया १४७ रनया साझेदारी याःगु खः। गिलं ५८ बलय् ३ चौका व १ छक्काया ग्वाहालिं १०१ रन दयकूगु खः। साई सुदर्शन ३६ बलय् ४७ रन दयकूगु खः। हैदरावादया भुवनेश्वर कुमारं ४ ओभरय् ३० रन बिया ५ विकेट काःगु खः।

१८९ रनया लक्ष्य ज्वना ब्याटिङ याःगु हैदरावादं निर्धारित २० ओभरय् ९ विकेटय् १५४ रन जक दयकूगु खः। हैदरावादया लागि हेनरिच क्लासेनं ४४ बलय् ५४ रन व भुवनेश्वर कुमारं २७ रन दयकूगु खः। गुजरातया लागि मोहम्मद शामीं प्यंगू ओभरय् २१ रन बिया प्यंगू विकेट, मोहित शर्मां प्यंगू ओभरय् २८ रन बिया प्यंगू विकेट काःगू खः।

Categorized in कासा