सर्वोच्च अदालतं माओवादीया पूर्वलडाकुपिन्त निगु लाख ध्यवा राहत बिइगु निर्णय तत्काल कार्यान्वयन मयायेत सरकारया नामय् अल्पकालिन अन्तरिम आदेश जारी याःगु दु।

न्यायाधीश कुमार रेग्मीया इजलासं अल्पकालिन आदेश जारी यासे उगु विषय अन्तरिम आदेश जारी यायेगु कि मयायेगु धइगु खँय् सहलहया लागि निगु पक्षयात न झिके यायेगु आदेश बिःगु खः।

अधिवक्ता ज्ञानेन्द्र आरणं माओवादी अयोग्य लडाकुपिन्त राहत रकम उपलब्ध यायेगु निर्णय गैरकानूनी जूगु दावीयासे सर्वोच्च अदालतय् रिट निवेदन दर्ता याःगु खः। सरकारं माओवादी अयोग्य लडाकुपिन्त निगु लाख रुपैंया दरं राहत रकम उपलब्ध यायेगु निर्णय याःगु खः।

मन्त्रिपरिषदया निर्णय कथं गृह मन्त्रालयं रकम उपलब्ध यायेगु कार्यविधि तक दयके धुकुगु खः।

Categorized in राष्ट्रिय