२०८० चैत्र १६, शुक्रबार

नागरिकता विधेयक लच्छिया दुने क्वछिइगु —प्रधानमन्त्री प्रचण्ड

लहनान्युज | बछलागा चतुर्दशी ११४३, जेठ ४ बिहीवाः

प्रधानमन्त्री पुष्पकमल दाहाल प्रचण्डं नागरिकता विधेयक लच्छिया दुने क्वछिइगु जुइ धका धाःगु दु।

थौं बिहीवाः प्रतिनिधिसभा बैठकय् जसपा सांसद दीपक कार्की न न्यःगु न्ह्यसःया लिसः बिइगु झ्वलय् प्रधानमन्त्री प्रचण्डं नागरिकता सम्बन्धी न्हुगु विधेयक हयेत वा राष्ट्रपति कार्यालय हे होल्डय् दुगुलि विधेयक प्रमाणीकरण यायेगु धइगु विषय छलफल जुयाच्वंगु दु।

अय्न न्ह्याथे याना सा लच्छिया दुने नागरिकताया विधेयक क्कछिइगु वयकलं प्रतिवद्धता प्वकादीगु खः।

वंगु दँय् प्रतिनिधिसभा व राष्ट्रियसभापाखे पारित जुइ धुकुगु राष्ट्रपतिया थाय् छ्वंगु नागरिकता विधेयक तत्कालिन राष्ट्रपति विद्यादेवी भण्डारीं ‘होल्ड’ य् तःगु खः।

प्रधानमन्त्री प्रचण्डं राष्ट्रपति रामचन्द्र पौडेलयात न नागरिकता विधेयकया विषयमा छु जुयाच्वंगु धइगु विषय अध्ययन जुयाच्वंगु दु धका धाःगु दु।

Categorized in राष्ट्रिय