इन्डियन प्रिमियर लिग (आईपीएल) क्रिकेटय् रोयल च्यालेञ्जर्स बेङ्लोरं सनराइजर्स हैदराबादयात च्यागु विकेटं बूकुगु दु। थुगु कासालिपा बेङ्लोर शीर्ष प्यंगु थासय् लायेवं प्लेअफ म्हितीइगु सम्भावना कायम जुगु दु।

१ सय ८७ रनया लक्ष्य ज्वना ब्यातिङ याःवःगु बेङ्लोरं १९ ओभर २ बलय् निगु विकेटय् पूरा याःगु खः। ओपनर विराट कोहलीं शतकीय पारी म्हितूगु खः। कोहलीं ६३ बलय् १ सय रन दयकूगु खः।

अथेहे, फाफ डु प्लेसिस ७१ रन, ग्लेन म्याक्सवेल ५ व माइकल बेसवेल ४ रन दयकूगु खः। हैदराबादया टी नटराजन व भुवनेश्वर कुमारपिन्स छगु छगु काःगु खः। टस बूया न्हापां ब्याटिङ याःगु घरेलु टोली हैदराबादं २० ओभरय् न्यागु विकेटय् १ सय ८६ रन दयकूगु खः।

हैदराबादया हेनरिक क्लासेनं ५१ बलय् दकलय् अप्पो १ सय ४ रन दयकूगु खः। क्लासेनया थ्व हे आईपीएलय् न्हापागु शतक खः। अथेहे, ह्यारी ब्रुक २७ रन, कप्तान एडेन माक्ररम १८ रन, ओपनर अभिषेक शर्मा ११ व राहुल त्रिपाठी १५ रनय् आउट जूगु खः।

बेङ्लोरया माइकल ब्रेसवेलं निगु विकेट, मोहम्मद शिराज, हर्षल पटेल व शहबाज अहमदपिन्स छगू छगू विकेट काःगु खः।

Categorized in कासा