गैर नाफ मुलक सामाजिक शैक्षिक संस्थाया रूपं जिल्ला प्रशासन कार्यालय भक्तपुरय् २०६० सालय् दर्ता जूगु चाँगुनारायण नगरपालिकाय् सञ्चालित नेपाल इन्जिनियरिङ कलेज (नेक) या नियमित शैक्षिक गुणस्तर उन्नयन प्रकृया अन्तरगत निगुया शिक्षक तालिम ज्याझ्वः यलय् प्रशासनिक प्रशिक्षण प्रतिष्ठना (स्टाफ कलेज) य् जुगु दु। उगु ज्याझ्वः नेक व काठमाडौ विश्वविद्यालय दथुइ सम्झौता पत्र आदानप्रदान न जुगु खः।

शिक्षक तालिमया मू आज्जु कलेजया शिक्षकपिन्त निरन्तर व व्यवसायिक शिक्षा अन्तरगत प्रभावकारी शैक्षिक अभ्यास नाप मूल्याङ्कन रणनीतिइ दक्ष दयकेगु खः। ज्याझ्वः न्हापागु दिं पेडागोजिया मुद्दा, प्रयोगात्मक शिक्षा व परियोजना–आधारित शिक्षाय् बःबिगु खः।

उगु ज्याझ्वलय् कलेजया स्नातक व स्नातकोत्तर तहया शिक्षकपिन्स शिक्षण विधिइ गयेयाना विद्यार्थी सहभागित अप्पोकेगुे विषय सीप आर्जन याना महसुस जुइ धका धाःगु खः।

नेपाल इन्जिनियरिङ कलेजया थःगु हे स्रोतपाखे ग्वसाः ग्वगु उगु ज्याझ्वलय् काठमाडौ विश्वविद्यालयया स्कुल अफ एजुकेसनया प्राविधिक ग्वाहालिं जुगु धका कलेजया प्राचार्य प्रा.डा. हरिकृष्ण श्रेष्ठं जानकारी बिःगु खः।

ज्याझ्वःया संयोजन कलेजया अन्तरराष्ट्रिय कार्यक्रम अधिकारी उपप्राध्यापक कृष्ण विक्रम शाह न यानादीगु खः।

Categorized in राष्ट्रिय