चेन्नई सुपर किङ्स इन्डियन प्रिमियर लिग आईपीएल क्रिकेटय् प्लेअफय् प्रवेश याःगु दु। घरेलु मैदानय् थौं दिल्ली क्यापिटल्सय् ७७ रनं बूका चेन्नई प्लेअफय् थ्यःगु दु।

चेन्नई न बिःगु २ सय २४ रनया लक्ष्य दिल्लीं गूगु विकेटय् १ सय ४६ रन जक दयकूगु खः। डेविड वार्नर व दकलय् अप्पो ८६ रन दयकूगु खः। चेन्नईया दीपक चहरं स्वंगु विकेट काःगु खः।

टस त्याका न्हापां ब्याटिङ याःगु घरेलु टोली चेन्नई न २० ओभरय् स्वंगु विकेटय् २ सय २३ रन दयकूगु खः देवन कन्वे न ८७ व ऋतुराज गायकवाडं ७९ रन दयकूगु खः।

दिल्ली थ्व स्वया न्ह्यः हे प्लेअफ यात्रां पिहावने धुकुगु खः।

Categorized in कासा