२०८० फाल्गुण १२, शनिबार

कोलकातायात बूका लखनउ प्लेअफय् थ्यन

राम डंगोल | तछलाथ्व द्धितीया ११४३, जेठ ७ आईतवाः

कोलकाता नाइट राइडर्सयात १ रनं बूका लखनउ सुपर जायन्ट्स इन्डियन प्रिमियर लिग (आईपीएल) क्रिकेटया प्लेअफय् थ्यःगु दु।

वंगु चान्ह्यः जूगु इडेन गार्डेनया रोमाञ्चक कासाय् कोलकाता १ रनं पराजित जूगु खः। टस बूया न्हापां ब्याटिङ याःगु लखनउ न बिःगु १ सय ७७ रनया लक्ष्य कोलकातां निर्धारित २० ओभरय् ७ विकेटय् १ सय ७५ रन जक दयकूगु खः।

रिंकु सिँहं अविजित ६७ रन, जेसन रोय न ४५ रन दयकूगु खः। लखनउया रवि बिश्नोई व यश ठाकुरं निगु निगु विकेट काःगु खः।

लखनउ न निर्धारित २० ओभरय् ८ विकेटय् १ सय ७६ रन दयकूगु खः। थुगु कासा लिपा लखनउ १४ गु कासाय् १७ अंकया नाप स्वंगूगु थासय् थ्यःगु दु सा प्ले अफं पिहावःगु दु।

कोलकाता १४ गु कासाय् १२ अंक नाप न्ह्यगूगु थासय् थ्यःगु दु।

Categorized in कासा