इन्डियन प्रिमियर लिग (आईपीएल) क्रिकेटय् मुम्बई इन्डियन्सं सनराइजर्स हैदराबादयात बूकुगु दु।

म्हिगः आइतवाः जूगु कासाय् मुम्बई न हैदराबादयात च्यागु ८ विकेट त्याकूगु खः। हैदराबादं बिगु २ सय १ रनया लक्ष्य मुम्बई न १२ बल ल्यः दुगु इलय् २ विकेटया नोक्सानय् पूरा याःगु खः।

मुम्बईया लागि क्यामरन ग्रीनं शतक दयकूगु खः। ४७ बलय् १ सय रन नटआउट जूगु खःसा कप्तान रोहित शर्मा ५६ रन दयकूगु खः। बलिङपाखे हैदराबादया भुवनेश्वर कुमार व मयंक दागरं छगू छगू विकेट काःगु खः।

मुम्बईलय् टस बूया न्हापां ब्याटिङ याःगु हैदराबादं निर्धारित २० ओभरय् न्यागु विकेटय् २ सय रन दयकूगु खः। हैदराबादया मयंक अग्रवालं ८३ व भिभ्रान्त शर्मां ६९ रन दयकूगु खः।

बलिङय् मुम्बईया आकाश मधवालं प्यंगु विकेट काःगु खः।

Categorized in कासा