इन्डियन प्रिमियर लिग (आईपीएल) क्रिकेटय् गुजरात टाइटन्सं रोयल्स च्यालेन्जर्स बेङ्गलोरयात खुगु विकेटं बुकुगु दु।

उगु कासा लिपा बेङ्गलोर लिगं पिहावःगु दु सा मुम्बई इन्डियन्स प्लेअफय् थ्यःगु दु। १ सय ९८ रनया लक्ष्य ज्वना ब्याटिङ याःगु गुजरातं ५ बल ल्यः दुगु इलय् पूरा याःगु खः।

गुजरातया लागि शुभमन गिलं शतक दयकूगु खः। दकलय् अप्पो १ सय ४ रन दयकूगु खःसा विजय शंकरं ५३ व रिद्धिमान साह न १२ रन दयकूगु खः। बेङ्गलोरया मोहम्मद सिराजं निगु विकेट, विजयकुमार वैश्यक व हर्शल पटेलं छगू छगू विकेट काःगु खः।

बेङ्गलोरय् वाः वया लिवाक्क सुरु जूगु कासाय् टस बूया न्हापा ब्याटिङ याःगु याना निर्धारित २० ओभरय् ५ विकेटय् १ सय ९७ रन दयकूगु खः। बेङ्गलोरया लागि विराट कोहलीे १ सय १ रन, फाप दु प्लेसिसं २८, माइकल ब्रेसवेलं २६, अनुज राउतं २३ व ग्लेन म्याक्सवेलं ११ रन दयकूगु खः। गुजरातया नुर अहमदं निगु व मोहम्मद शामी, यश दयाल, राशिद खानं छगू छगू विकेट काःगु खः।

उगु कासा लिपा मुम्बई कासाया प्यंगु थासय् थ्यःगु दु।

आः चेन्नईलय् जुइगु क्वालिफायर १ य् चेन्नई सुपर किङ्ग्स व गुजरात टाइटन्स म्हितीइगु जुगु दु सा इलिमिनेटरय् लखनउ सुपर जायन्ट्स व मुम्बई इन्डियन्स म्हितीइगु जुगु दु।

Categorized in कासा