२०८१ बैशाख १०, सोमबार

गणतन्त्रया विकल्प पश्चगमन जुइफइ मखु — सूचना प्रविधि मन्त्री रेखा शर्मा

लहनान्युज | तछलाथ्व षष्ठी ११४३, जेठ ११ बिहीवाः

सञ्चार तथा सूचना प्रविधि मन्त्री रेखा शर्मां गणतन्त्रया विकल्प पश्चगमन जुइफइ मखु धका धाःगु दु।

बिहीवाः राष्ट्रिय समाचार समितिं गणतन्त्र दिवसया लसताय् जुगु ‘झिगु संस्कृति ः झीगु सम्पदा’ नां किपा ब्बज्याय् न्ववायेगु झ्वलय् मन्त्री शर्मां गणतन्त्र व लोकतन्त्रया विकल्प पश्चगमन जुइ फइमखु धका धाःगु खः।

‘बालागुयात बालागु, बामलागु यात बामलागु धाये फुगु धइगु गणतन्त्रं जक सम्भव दु। यदि गणतन्त्र, लोकतन्त्र मदुुगु खःसा, झिसं थथे न्ववायेगुलि स्वतन्त्रता दइमखु धयादीसे झिगु शासक, सत्ता सञ्चालकपिनिगु कमजोरी व गल्तीयात झिसंपिने न्ववायेफइ मखु जुइ,’

वयकलं धयादीगु दु, ‘थुगु कारणं थज्यागु समस्यायात सुधार यायेफइगु धइगु हे गणतन्त्र दया हे खः। लोकतन्त्रं हे खः। गणतन्त्र, लोकतन्त्रया विकल्प हाकन पश्चगमन जुइ फइमखु। लिहावनेगु खँ जुइ हे मखु।’ वयकलं धयादीगु दु लोकतन्त्र व गणतन्त्र मदुगु इलय् न्ववायेगु स्वतन्त्रता तक मदु धका धयादीसे गणतन्त्रया विकल्पय् हाकन लिहावनेगु जुइ मखु धका स्पष्ट यानादील।

Categorized in राष्ट्रिय