२०८१ जेठ ७, सोमबार

सभामुखया कार्यकक्षय् सर्वदलीय बैठक

लहनान्युज | तछलाथ्व सप्तमी ११४३, जेठ १२ शुक्रवाः

प्रतिनिधिसभाया थौं च्वंगु बैठकय् पशुपतिइ जलहरीबारे वःगु न्ह्यसःया विषयमा सर्वदलीय बैठक जारी जूगु दु।

सभामुखया कार्यकक्षय् दक्को दलया प्रमुख सचेतक व तधःगु दलया सचेतकपिन्स ब्बति काःगु दु। जेठ १० गते माओवादी केन्द्रया सांसद लेखनाथ दाहालं एमाले अध्यक्ष केपी शर्मा ओलीया नेतृत्वय् सरकारं पशुपतिइ जलहरी तःगु इलय् अनियमितता जूगु धका न्ह्यसः तःगु खः।

लुँया जलहरी धका सिजः तःगु द्धपः बिःगु खः। उगु द्धपःया सत्यताया आधारित मदुगु धका धासे एमाले न विरोध याःगु खः। एमाले न मखु द्धपः बिःगु धासे प्रतिनिधिसभाया बैठक हे अवरुद्ध यागुलि समाधानया लँपू मालेगु निति सर्वदलीय बैठक च्वःगु खः।

सर्वदलीय बैठक नयाँ वानेश्वरस्थित सभामुख देवराज घिमिरेया कार्यकक्षय् सर्वदलीय बैठक जूया च्वंगु दु।

Categorized in राष्ट्रिय