नेपाली काँग्रेसया सभापति शेरबहादुर देउवां थःगु पार्टी आलोचनां मग्याः धका धाःगु दु।

बालागु आलोचनां ज्या यायेत झन् उत्साह थहावइगु व छू समस्या दु सा सुधार याये फइगुलि थःगु पार्टी आलोचनापाखे मग्याः धका धयादीगु खः।

काँग्रेस निकट पत्रकारपिनिगु संगठन नेपाल प्रेस युनियनया ३२ क्वःगु स्थापना दिवसया लसताय् थौं शनिवाः येँ जुगु छगु ज्याझ्वलय् सभापति देउवां प्रजातान्त्रिक पद्धतिइ खने दुगु कमी कमजोरी सुधारे याना न्ह्यने वनेमाः धका धयादीगु खः।

नेपाल पत्रकार महासंघया अध्यक्ष विपुल पोखरेलं श्रमजीवि पत्रकारपिनिगु पेशागत सुरक्षाया लागि अभियान हे सञ्चालन यायेमाःगु धका धयादीगु खः।

Categorized in राजनीति