२०८१ आषाढ ३१, सोमबार

पप्पु कन्स्ट्रक्सननाप निगु दर्जन कम्पनि हाकू धलखय्

लहनान्युज | तछलाथ्व एकादशी ११४३, जेठ १७ बुधवाः

प्रधानमन्त्री नाप मन्त्रिपरिषद कार्यालय मातहतया सार्वजनिक खरिद अनुमगन कार्यालयं निगु दर्जन कम्पनीयात हाकू धलखय् तःगु दु।

उगु हाकू धलखय् कलेज अफ इम्प्लोइमेन्ट प्रालि भरतपुर चितवन, पप्पु कन्स्ट्रक्सन, कोशी एण्ड न्यौपाने निर्माण सेवा, वाईपी कन्स्ट्रक्सनपि लाःगु दु। अथेहे सुमित रौनियार नेतृत्वया पप्पु कन्स्ट्रक्सन प्रालि व भावेश बोहोरा नेतृत्वय् कोशी एण्ड न्यौपाने निर्माण सेवा प्रालि निदँ तक हाकू धलखय् तःगु दु।

पप्पु÷कोशी एण्ड न्यौपाने जेभीयात संघीय सडक सुपरिवेक्षण नाप अनुगमन कार्यालय पोखरा व शहीद मार्ग सडक आयोजना लिवाङ रोल्पां हाकू धलखय् तयेगु सिफारिस याःगु खः।

अथेतु पुष्पलाल (मध्यपहाडी) राजमार्ग आयोजना निर्देशनालय व पुष्पलाल राजमार्ग आयोजना कार्यालय दैलेखया सिफारिसय् सुरेन्द्र प्रसाद श्रेष्ठ नेतृत्वया वाईपी कन्स्ट्रक्सन प्रालियता १८ महिना हाकू धलखय् तःगु दु।

थुगु हाकू धलखय् लापिन्स निर्माण व्यवसायी व आपूर्तिकर्तापिन्स हाकू धलखय् लाःगु इलय् छु न सार्वजनिक निकायय् खरिद कारबाहीइ ब्बति काये दइमखु।

Categorized in राष्ट्रिय