प्रधानमन्त्री पुष्पकमल दाहाल प्रचण्डनाप भारतीय प्रधानमन्त्री नरेन्द्र मोदीया सुरक्षा सल्लाहकार अजित डोभालं नापलागु दु।

प्यन्हुया भारत भ्रमणया लागि थौं बुधवाः न्हुगु दिल्लीइ थ्यम्ह प्रधानमन्त्री प्रचण्ड च्वना च्वंगु होटल मौर्यय् वना सुरक्षा सल्लाहकार डोभालं नापलागु दुु धका प्रधानमन्त्रीया निजी सचिवालयं धाःगु दु।

अथेतु, थौं हे प्रधानमन्त्री प्रचण्डयात होटलय् भारतया विदेश सचिव विनयमोहन क्वात्रां न नापलागु खः।

प्रधानमन्त्री प्रचण्डं कन्ह्यः बिहीवाः भारतीय समकक्षी नरेन्द्र मोदीनाप हैदराबाद हाउसय् निगु पक्षीय वार्ता जुइगु दु।

Categorized in राजनीति