राष्ट्रिय स्वतन्त्र पार्टीया सांसदपिन्स संसदीय क्षेत्र पूर्वाधार विकास ज्याझ्वः खारेज यायेमाःगु माग यासे संघीय संसद सचिवालयय् संकल्प प्रस्ताव दर्ता याःगु दु।

बिहीवाः संघीय संसद सचिवालयय् वना सांसदपि डोलप्रसाद अर्याल, विराजभक्त श्रेष्ठ, सुमना श्रेष्ठ, सन्तोष परियार, मनिष झा, असिम साह, गणेश पराजुली, डा. तोसिमा कार्की लगायतपिन्स उगु ज्याझ्वःया संकल्प प्रस्ताव दर्ता याःगु खः।

जेष्ठ १५ गते सरकारं हःगु वइगु आर्थिक दँया बजेटय् निर्वाचन क्षेत्रय् सांसदपिनिगु योजनाय् बजेट बिइत निर्वाचन क्षेत्र ५ करोड रुपैयाँ छुटे याःगु खः।

 

Categorized in राजनीति