स्वच्छ वातावरणीय मौलिक हकया लागि वृक्षारोपण येँ महानगरपालिका –१३ ताहाचलस्थित जन प्रभात मा.वि. परिसरय् थौं सोमवाः ‘प्लास्टिक प्रदूषण विरुद्ध लागौं’ धइगु मू नारा ज्वना वृक्षारोपण याःगु दु।

वायु प्रदुषण व्यवस्थापन नागरिक सञ्जाल येँया ग्वसालय् थौं जडीबुटी व फलफुलया १०८ सिमा पिइगु ज्या जूगु दु।

विश्व वातावरण दिवसया लसताय् पर्यावरण स्वच्छताया निति विद्यालय परिसरय् थीथी सिमा पिगू धका सञ्जालया अध्यक्ष निरू महर्जनं धाःगु दु। वयकलं हलियकं जूयाच्वंगु वातावरण प्रदूषणया समस्या जुयाच्वंगु दु धका धयादीसे वनस्पति, मनू तय्त यक्को लिच्वः लानाच्वंगु दु धका धयादीगु खः।

येँ महानगर २० वडा अध्यक्ष राजेन्द्र मानन्धर, विद्यालय व्यवस्थापन समितिया निवर्तमान अध्यक्ष रामशरण डंगोल, येँ महानगर १३ वडाया वडासदस्यपि रजनि महर्जन, मैयाँ देउला व २० वडाया सदस्य अनेश चित्रकारपिन्सं वातावरणसम्बन्धी याइगु संस्था एन्फो, विद्यालयया शिक्षक, कर्मचारी, विद्यार्थीपिनिगु न ब्बति दुगु खः।

Categorized in राष्ट्रिय