शेयर बजाः थौं बुधवाः सामान्य थहावःगु दु।

म्हिगः मङ्गलवाः २५ दशमलव ६६ अङ्कं थहावःगु शेयर बजाः परिसूचक नेप्से थौं ४ दशमलव ६८ अङ्कं थहावना १ हजार ९ सय ३२ दशमलव ३३ अङ्कय् थ्यःगु दु।

व्यापार समूहया शेयर थौं यक्को थहावःगु दु। अथेहे कारोबार रकम न थहावःगु दु। २६१ गु कम्पनीया ६५ लाख ६१ हजार कित्ता शेयर २ अर्ब ३६ करोड ८८ लाख रुपैयाँ न कारोबार जूगु खः।

दकलय् अप्पो सोल्टी होटलया १० करोड १३ लाख रुपैयाँया शेयर किनबेच जूगु खः। युनिक नेपाल लघुवित्तया शेयर १० प्रतिशतं थौं थहावःगु दु।

समग्र बजाः थहावःसा सिद्धार्थ इक्युटी फन्डया शेयर ४ प्रतिशत स्वया अप्पो कुहावःगु दु।

Categorized in राष्ट्रिय