विद्यार्थी संगठनं येँया स्वंगू विद्यालयय् ग्वया बिःगु तालं येँ महानगरपालिकां तछ्याना बिःगु दु।

येँया संस्कृत माध्यामिक विद्यालय, वृहस्पति माध्यामिक विद्यालय व युलेन्स स्कुलय् विद्यार्थी संगठनं तालं ग्वयाबिःगुलि खःसा उगु तालं तछ्याना बियागु धका महानगर प्रहरीं धाःगु दु।

छात्रवृत्ति विवरण, शुल्क स्वीकृति विवरण, कर्मचारीया पारिश्रमिक विवरण लगायतया माग तया अनेरास्ववियु (क्रान्तिकारी) येँ जिल्ला समितिं वंगु आइतवाः तालं ग्वया बिःगु खः।

महानगरया मेयर बालेन्द्र (बालेन) साहं न मस्त ब्बनेगु बिद्यालयय् तालं ग्वय्गु अपराध खः धका तालं तछ्याना बिइत निर्देशन बिःगु खः।

येँ महानगरं थःगु पालिका दुने शैक्षिक संस्थाय् राजनीतिक गतिविधि व बन्द हड्ताल याये मदइगु व्यवस्था याःगु खः।

Categorized in राष्ट्रिय