२०८१ आषाढ ५, बुधबार

ओमबहालय् किजां दाजुयात खुकुरी पालाबिल

लहनान्युज | तछलागा दशमी ११४३, जेठ ३० मंगलवाः

ओमबहालया माथेमा चुकय् किजां दाजुयात खुकुरी प्रहार याना स्याना बिःगु दु।

वंगु चान्ह्यः छेँय् विवाद जुगुलि २५ दँ दुम्ह सुरज शाक्यं थः दाजु ४५ दँ दुम्ह सूर्य शाक्ययात खुकुरी पालां स्याना बिःगु धका प्रहरीं धाःगु दु।

दाजुयात छ्यनय्  खुकुरी क्यका बिस्यू वम्ह सुरजयात येँ महानगरपालिका वडा नम्बर २५ श्रीघलय् सुलाच्वंगु  खः। थौं सुथय् पौने १० बजे वयात ज्वनागु धका जनसेवा प्रहरीया डिएसपी भेषराज रिजालं जानकारी बिःगु दु।

वयात ज्वना थप अनुसन्धान याना च्वनागु व शवया पोष्टमार्टमया लागि त्रिवि शिक्षण अस्पताल महाराजगञ्जय् छ्वयागु दु धका प्रहरीं धाःगु दु।

Categorized in अपराध