राष्ट्रिय जनगणना २०७८ य् जाति, भाषा व धर्म सम्बन्धी मखुगु तथ्यांक भिंकेत नेपाःया आदिवासी जनजाति संघ, संस्थापिन्स माग याःगु दु।

नेपाल आदिवासी जनजाति महासंघया नेतृत्वय् थीथी जातीय संगठनपिन्स प्रधानमन्त्री पुष्पकमल दाहाल प्रचण्डयात थौं बुधवाः बालुवाटारय् नापलाना राष्ट्रिय तथ्यांक कार्यालयं सार्वजनिक याःगु राष्ट्रिय जनगणना २०७८ य् जाती, भाषा व धर्म सम्बन्धी तथ्यांक गलत खः धका धासे प्रधानमन्त्रीयात ज्ञापनपौं लःल्हासे ध्यानाकर्षण याःगु खः ।

तथ्यांक कार्यालयं जारी याःगु जाति, भाषा, धर्मया महलय् जातिपिन्त तछ्याःगु धासे आदिवासी जनजाति संघ, संस्थापिन्स कानुनी व्यवस्था कथं तथ्याङ्क भिंकेमाःगु व जाति दुने थरयात जाति कथं छुट्यायेत इनाप याःगु खः।

प्रधानमन्त्री प्रचण्डं लिसः बिइगु झ्वलय् कानुनीय् व्यवस्था दु कथं न्ह्याः वनां उगु तथ्यांक भिंकेगु बचं बियादीगु खः।

Categorized in राष्ट्रिय