२०८१ आषाढ ५, बुधबार

अनलाइन जू म्हितिकिपिन्त प्रहरी ज्वन

लहनान्युज | तछलागा एकादशी ११४३, जेठ ३१ बुधवाः

अनलाइन गतिविधिइ सट्टेबाज (जू) म्हित्येत छ्यलिइगु ‘वान एक्स बेट’ पाखे छम्ह हे मनूयाके ६४ करोड रुपैयाँया अवैध कारोबार जूगु लूगु दु। काठमाडौँ उपत्यका अपराध अनुसन्धान कार्यालयया कथं कैलाली छेँ दुम्ह चाबहिल च्वना च्वम्ह दिनेश खड्कां विशाल थारु, तेजबहादुर खड्का, नवीन चौधरी, अनिता धितालयात भ्वँतय् छ्याल १२ म्हेसिगु नामय् खाता चायेका सट्टेबाजया मू एजेन्टया कथं सक्रिय जुयाच्वंगु खः।

सट्टेबाजया ध्यवां छ्यला दिनेशं ६३ गू खाता चाय्का तःगु धका कार्यालयया प्रमुख प्रहरी वरिष्ठ उपरीक्षक डा मनोज केसीं जानकारी बिःगु दु। दिनेश खड्का, अनिता धिताल, दीपेश श्रेष्ठ, दिनेश चन्द व आशिष लामिछानेयात प्रहरी ज्वंगु खः।

उमिसं सट्टेबाजय् ७४ करोड १३ लाख कारोबार याःगु दु। आशिषपाखे ३ करोड, दिपेशपाखे ५ करोड ५४ लाख कारोबार यागु खनेदु धका प्रहरी उपरीक्षक डा केसीं धाःगु दु।

Categorized in अपराध