यल महानगरपालिकां स्थानीय मातृभाषायात प्राथमिकता बिया वइगु शैक्षिक सत्रनिसे कक्षा १ निसे ३ तक नेपालभाषा न ब्बकिइगु जूगु दु।

महानगरपालिकां वइगु आर्थिक दँ ०८०÷८१ या नीति न कार्यक्रम सार्वजनिक यासे प्रमुख चिरीबाबु महर्जनं वइगु शैक्षिक सत्रनिसे कक्षा १ निसे ३ तक नेपाल भाषाया पाठ्यक्रम तयार याना लागू यायेगु घोषणा याःगु खः। महानगरपालिका दुने सामुदायिक विद्यालय नेपाल भाषां ब्बकेगु व छगु छगु स्कूलय् छम्ह छम्ह शिक्षकया व्यवस्था यायेगु धका धाःगु दु।

यल महानगरं ऐतिहासिक, परम्परागत थाय्, सम्पदा, संस्कृति, नँसा त्वँसा, ज्यायात प्रोत्साहन जुइगु कथं पाठ्यक्रम दयका व्यवहारिक शिक्षाय् बःबिइगु नीति हयेगु धका धाःगु खः।

Categorized in राष्ट्रिय