गृह मन्त्रालयया शान्ति, सुरक्षा महशाखा प्रमुख जितेन्द्र बस्नेत येँया प्रमुख जिल्ला अधिकारीयात जिम्मेवारी वंगु दु।

आःया प्रमुख जिल्ला अधिकारी घनश्याम उपाध्याय सचिवय् बढुवा जूगुलि मन्त्रालयं बस्नेतयात येँया प्रमुख जिल्ला अधिकारीया कथं छ्वया हःगु खः। बस्नेत च्यादँ न्ह्यः हे सहसचिव जुइ धुकुगु खः।

वयकलं प्रमुख जिल्ला अधिकारीया कथं गोरखा, चितवन, पर्साय् ज्या याये धुकुम्ह खः।

Categorized in राष्ट्रिय