येँ महानगरपालिकां महानगर दुने च्वंगु निगु सहकारी संस्थाया दर्ता खारेज याना बिःगु दु।

महानगरया सहकारी विभागया कथं येँ–५ चाबहिलय् जेष्ठ नागरिक स्वास्थ्य सेवा सहकारी संस्था व चाबहिलया हे सुकस बचत तथा ऋण सहकारी संस्थाया दर्ता खारेज याना बिःगु दु।

‘उगु संस्थां पुलेमानिगु दायित्त्व व कायेमानिइगु ऋण नाप बक्यौता छू दुसा व उगु संस्थां धितो तया छू न कर्जा कायतःगु दु सा वा थुगु संस्थाय् बचत यानातःगु दु सा कर्जा कया तःगु वा बचत यानातःपिन्स थुगु हे सूचंया आधार माने याना सूचं प्रकाशित जूगु मितिं १५ दिं दुने थुगु विभागय् सम्पर्क तयेत न सूचित यानागु दु’ महानगरं प्रकाशित सूचंखय् धाःगु दु, ‘अन्यथा खारेजी पश्चात् छु न दाबी विरोधया जिम्मेवारी विभाग मजुइगु व्यहोरा जानकारी यानागु दु।’

Categorized in राष्ट्रिय