नेकपा एमालेया अध्यक्ष केपी शर्मा ओलीं ललितानिवास प्रकरणय् जुयाच्वंगु अनुसन्धान सरकारया पोलिटिकल स्टन्ट जक खः धका दाबी याःगु दु। ओलीं पार्टी उपाध्यक्ष विष्णु पौडेलया नां मबिउसे वया काय्यात दोषी क्यनेत स्वगू धका धाःगु दु।

शुक्रवाः स्ववियु काउन्सिलया बैठकय् सम्बोधन यायेगु झ्वलय् ओलीं ललिता निवास प्रकरणय् सरकारं भ्रष्टाचार विरोधी खने दइगु कथं पोलिटिकल स्टन्ट बाहेक छु याइ मखु धका धाःगु दु। ‘ललितानिवासया प्रकरण पिकागु दु, थ्व  नाटक जक खः।

थः हिरो खने दइगु कथं स्टन्ट जक खः’, वयकलं धयादीगु दु, ‘मेगु छु याइ मखु थ्व सरकारं।’ ‘यातकि थुगु गठबन्धनया हे मनू लाइ, उकि याइमखु’, पार्टी उपाध्यक्ष पौडेलपाखे क्यसे ओलीं जग्गा न्यागु वापद दोषी क्यनेत स्वगु दु धका धयादीगु खः।

Categorized in राजनीति