दुबईलय् जूगु अन्तराष्ट्रिय सौन्दर्य कासाय् ‘मिस स्टार युनिभर्स २०२३’ या शिर्ष उपाधि सृष्टि महर्जनं त्याकूगु दु।

उगु कासाय् १९ देशया प्रतिस्पर्धीपिन्स ब्बति काःगु खः। २२ दँया महर्जनं उगु कासाय् ‘मिस गर्जियस’ व ‘मिस प्राइड अफ स्टार युनिभर्स’ या सवटाइट न त्याकूगु खः।

‘इन्डो इन्टरनेशनल फेसन कार्निभल एण्ड अवार्ड २०२३’ अन्तर्गत जूगु कासाय् ‘मिस स्टार युनिभर्स २०२३’ य् महर्जनयात ग्रिनआर्ट मिडियां ‘मिस स्टार युनिभर्स नेपाल २०२३’ ताज छ्वया हःगु खः।

उगु कासाया निर्णायकय् अनिला श्रेष्ठ (मिसेस युनिभर्स नेपाल २०१९), सुधा एक (वनर सुधा भेन्चर्स), इशा पफरहा कुरैशी, हनिफ शेख, अरविन्द लिम्बावली लगायतपि च्वनादीगु खः।

ग्रिनआर्ट मिडियाया सिइयो प्रविन लाकौल, ग्रीन आर्ट मिडियाया प्रबन्ध निर्देशक लिसे अन्तर्राष्ट्रिय कोरियोग्राफर अनिला श्रेष्ठं शनिवाः नेपालय् लसकुसयासे भिंतुना बिःगु खः ।

Categorized in मनोरन्जन