नेपालभाषाया न्हूगु म्युजिक भिडियो केबिएस लुभु स्टुडियोपाखें निर्माण जूगु ‘छंगु दुःख स्वस्वं’या पितब्वज्या जूगु दु।

तुलसि कम्प्लेक्स लुभुइ छगू ज्याझ्वः दथुइ उगु म्युजिक भिडियोया पितब्वज्या जूगु खः । नांजाःम्ह ध्वनिविद् दीप तुलाधर मूपाहांकथं झायादीगु उगु ज्याझ्वलय् म्युजिक भिडियोया पितब्वज्यालिसें कलाकार व प्राविधिकपिंत मतिनाया चिं व सुभाय् पौ लःल्हानादीगु खः ।

नेवाः सुपरस्टार रोजिना सुवालया मू भूमिका दुगु म्युजिक भिडियोय् कृष्ण श्रेष्ठ, राजाराम तण्डुकार, जयलक्ष्मी सिद्धि वज्राचार्य, सत्य नेम्कुल, सपना श्रेष्ठ, रहिस महर्जनं नं अभिनय यानादीगु दु । म्युजिक भिडियोया निर्माण नियन्त्रक व परिकल्पनाकार केबिएस लुभु खःसा छाँयाकन व सम्पादन शैलेश श्रेष्ठं यानादीगु खः निर्देशन पवन जोशीं यानादीगु खः ।

पवन जोशीं च्वयादीगु म्येँय् सरिता शाही व कृष्ण महर्जनया सः दुथ्यानाच्वंगु दुसा अनिल तुलाधरं लसय् हनादीगु खः ।

Categorized in मनोरन्जन