जहान मदुगु शोकय् लानाच्वम्ह प्रधानमन्त्री पुष्पकमल दाहाल प्रचण्डया औपचारिक ज्याझ्वः स्वन्हुया लागि स्थगित याःगु दु।

म्हिगः बुधवाः जहान सीता मदुगुलि शोकय् लानाच्वम्ह प्रधानमन्त्री प्रचण्ड असार ३० गते तक छु न औपचारिक गतिविधिइ सहभागी मजुइगु जूगु दु।

‘स्वन्हु तक दक्को औपचारिक ज्याझ्वः स्थगित याःगु दु’ धका प्रधानमन्त्रीया प्रेस सल्लाहकार गोविन्द आचार्यं धाःगु दु।

वयकःया कथं, बिचा हाय्केगु निति सुथय् ८ निसे ११ व बहनि ४ निसे ६ बजे तक ई बियातःगु दु।

Categorized in राष्ट्रिय