चितवनया दासढुङ्गाय् बस दुर्घटना जूया २६ म्ह यात्रुपि घाःपाः जूगु दु। उकि मध्ये १७ म्हेसित मेडिकल कलेज व च्याम्हेसित भरतपुर अस्पताल चितवनय् उपचार यानाच्वंगु दु।

नारायणगढ–मुग्लिन सतक खण्ड अन्तर्गत चितवनया भरतपुर महानगरपालिका वडा नम्बर–२९ दासढुङ्गामा थौं सुथय् ५ः१५ बजेति बस दुर्घटना जूगु खः।

जिल्ला ट्राफिक प्रहरी कार्यालय चितवनया कथं झापाया काँकडभिट्टां येँ वयाच्वंगु बाग्मती प्रदेश ०१–००६ ख ५२३७ नम्बरया बस अनियन्त्रित जूया दुर्घटना जूगु खः। बस सतकं कुतुवना सिमाय् थाःगु खः ।

बस सिमाय् थानां त्रिशूली खुसिइ कुतुवनेगु पाखे बचे जूगु दु धका ट्राफिक प्रहरीं धाःगु दु।

Categorized in राष्ट्रिय