शेयर बजाः परिसूचक नेप्से थौं मङ्गलवाः न थहावःगु दु। शेयर बजाः परिसूचक नेप्से थौं ९ दशमलव ९१ अङ्कं थहावना २ हजार १ सय ५४ दशमलव शून्य ७ विन्दुइ थ्यःगु दु।

थौं बैंकिङ, लगानी, बीमा, उत्पादन, लघुवित्त वर मेमेगु समूहया शेयर थहावःगु दु। मेगु समूहया शेयर धाःसा कुहावःगु दु। दकलय् अप्पो थौंै वीपीडब्ल्यू लघुवित्त व युनाइटेड अजोड इन्सुरेन्स कम्पनीया शेयर १० प्रतिशतं थहावःगु दु।

२५५ गु कम्पनीया ८६ लाख ७६ हजार कित्ता शेयर कारोबार थौं जूगु दु। ५६ हजार ४ सय पटक जूगु कारोबारय् ३ अर्ब ५४ करोड ८८ लाख रुपैयाँया शेयर कारोवार जूगु दु।

दकलय् अप्पो स्वालम्बन लघुवित्त कम्पनीया २१ करोड ७७ लाख रुपैयाँया शेयर कारोवार जूगु दु।

Categorized in राष्ट्रिय