छत्रपाटी निःशुल्क चिकित्सालयय् न्हुगु ज्यासना पुचःपाखे शपथ काःगु दु। वंगु २०८० बैशाख १६ गते जूगु निर्वाचनय् निर्वाचित जूगु खः।

उगु ज्यासना पुचःपाखे शपथ ग्रहण नापं कार्यभार हस्तान्तरण याःगु दु। चिकित्सालयया नायः डा. मनोजमान श्रेष्ठया सभाध्यक्षताय् जुगु उगु ज्याझ्वलय् निर्वाचन आयुक्त वरिष्ठ अधिवक्ता विश्वराज भटराई न शपथ ग्रहण याकूगु खः सा पुलाम्ह नायः बिजय बहादुर मालीपाखे भिंतुना बियादीगु खः।

उगु न्हुगु कार्य समितिइ अध्यक्षय् डा. मनोजमान श्रेष्ठ, उपााध्यक्षय् कुमारदेव मानन्धर, महासचिवय् डा.कृष्टिना श्रेष्ठ, सचिवय् जगदीश माली, कोषाध्यक्षय् लहना श्रेष्ठ, सह कोषाध्यक्षय् कृष्ण प्रसाद मानन्धरपि निर्वाचित जुगु खः।

अथेहे दुजलय् नविन मानन्धर, डा.निरन महर्जन, सुमनकृष्ण श्रेष्ठ, जुजुकाजी महर्जन, सुरज श्रेष्ठ व डि.एल चन्द्र मानन्धरपि निर्वाचित जूगु खः।

न्हुगु ज्यासना पुचःया मुँज्यां सजनी जोशी व कपिल श्रेष्ठ व डा. सन्तोष मानन्धरयात मेडिकल डाईरेक्टरय् मनोनीत याःगु खः।

Categorized in राष्ट्रिय