अनामनगरस्थित भद्रकुमारी घलेया सेवा सदन खाली यायेत येँ महानगरपालिकाया पुचः थौं वःगु दु।

सार्वजनिक जग्गा अतिक्रमण याना सेवा सदन सञ्चालन याना वयाच्वंगु धासे महानगरं उगु भवन खाली यायेत नगर प्रहरी परिचालन याःगु दु। सेवा सदनय् दुगु सामग्री चिइकेत उगु थाय् डोजर चले यायेगु ज्या जुयाच्वंगु दु धका महानगरया नगर प्रहरी उपरीक्षक दिनेश अर्यालं धाःगु दु।

महानगरपालिका–१० देवीनगरय् च्वंगु घले सेवा सदनं सार्वजनिक जग्गा अतिक्रमण यागु धासे महानगरं स्वन्हुया दुने उगु दक्को संरचना खाली यायेत अल्टिमेटम बिःगु खः।

सदनं ५ रोपनी १२ आनाय् बालगृह, शिक्षा सदन, पाहाँ च्वनिइगु छेँ, भद्र संग्रहालय, पुस्तकालय, उपभोक्ता सहकारी संस्थालगायत संस्था सञ्चालन याना वयाच्वंगु खः।

Categorized in राष्ट्रिय