नेप्से लगातार थौं न थहावःगु दु। शेयर बजार परिसूचक नेप्से थौं बुधवाः ११ दशमलव १७ अङ्कं थहावना २ हजार १ सय ६५ दशमलव २४ विन्दुइ थ्यःगु दु।

बैंकिङ, विकास बैंक, उत्पादन, व्यापार व म्युचल फन्ड समूहया शेयर थौं न थहावःगु दु। मेमेगु समूहया शेयर कुहावःगु दु। थौं दक्को बैंकया शेयरया भाः थहावःगु दु।

दकलय् अप्पो वीपीडब्ल्यू लघुवित्तया शेयर १० प्रतिशतं थहावःगु दु। २६० गु कम्पनीया ८६ लाख ७४ हजार कित्ता शेयर कारोबार जूगु दु।

५१ हजार ४ सय पटक जूगु कारोबारपाखे ३ अर्ब ३४ करोड ८६ लाख रुपैयाँया शेयर कारोवार जूगु दु। दकलय् युनाइटेड अजोड इन्सुरेन्सया २३ करोड ५७ लाख रुपैयाँया शेयर कारोवार  जूगु दु।

Categorized in राष्ट्रिय