नेपाल संवत् राष्ट्रिय न्हूदँ समारोह समिति ११४३ या दुजःपिं राष्ट्रिय विभूति शंखधर साख्वाः प्रतिष्ठानय् निरीक्षण याःगु दु ।

समारोह समितिया नायः प्रा.डा.नरेशमान बज्राचार्यया नेतृत्वय् वंगु पुचलं प्रतिस्थानया ज्याकू थिमिइ वनाः निरीक्षण याःगु खः। निरीक्षण भ्रमणय् वःपिन्त प्रतिस्थानया नायः ज्ञानुराम श्रेष्ठं लसकुस यानादीगु खःसा वय्कलं प्रतिस्थानया आज्जु लिसें प्रतिस्थानं आःतक यायेधुंकूगु ज्याखँयात कयाः जानकारी बियादीगु खः ।

उगु ज्याझ्वलय् समारोह समितिया नायः प्रा. डा. बज्राचार्यं थिमिइ पलिस्था यानातःगु शंखधरया झ्वाताःय् खादा न्ययेकाः राष्ट्रिय विभूति शंखधरं यानादीगु ज्याखँयात स्मरण यासें शंखधरया प्रचारप्रसार ब्यापक रुपं यायेमाःगु विचाः प्वंकादीगु खः ।

Categorized in राष्ट्रिय