२६ म्ह सहसचिवपिं सरुवा
लहनान्युज | अनलाथ्व पंचमी ११४३, साउन ७ आईतवाः
संघीय मामिला लिसे सामान्य प्रशासन मन्त्रालयं २६ म्ह सहसचिवपिन्त सरुवा याःगु दु।
छम्ह प्रमुख जिल्ला अधिकारी व निगु महानगरपालिकाया प्रमुख प्रशासकीय अधिकृतपिन्त आइतवाः मन्त्रालयं २६ म्ह सहसचिवपिन्त सरुवा याःगु दु। जाजरकोटया प्रमुख जिल्ला अधिकारी रामकुमार महतोयात संघीय मामिला मन्त्रालयय् सरुवा याःगु दु।
अथेहे यल महानगरपालिकाया प्रमुख प्रशासकीय अधिकृत गणेश अर्यालयात गृह मन्त्रालयय् सरुवा याःगु दु। अर्यालया थासय् पोखरा महानगरपालिकाया प्रमुख प्रशासकीय अधिकृत विरेन्द्रदेव भारती यल महानगरय् वःगु दु।
पोखरा महानगरपालिकाया कर्णाली प्रदेशया अर्थ सचिव श्याम कृष्ण थापा सरुवा याःगु दु।
